Campfa Cryfder Newydd Canolfan Hamdden y Barri

Gwelliannau cyffrous i’ch canolfan!

Ar y cyd â Chyngor Bro Morgannwg a Chronfa Ffyniant Gyffredin Llywodraeth y DU, mae’n
bleser gennym gyhoeddi ein bod yn lansio ‘Campfa Cryfder’ newydd sbon. Bydd y gwaith
uwchraddio sylweddol yma’n golygu bod yr ardal Cryfder Morthwyl yn symud i ardal fwy o
lawer – 600m2 – gan gynnwys cyfleusterau cwbl hygyrch, ardal ymarfer gweithredol, offer
aml-lwyfan, gwell cyfarpar gwrthiant ac ardal ymestyn. Rydyn ni’n buddsoddi bron i
£500,000 yn y man ymarfer newydd, blaengar hwn. Dyma sydd i ddod:

• 18 o beiriannau Cryfder Morthwyl wedi’u hadnewyddu, a 5 peiriant newydd
• Rhagor o feinciau Olympaidd, offer sgwatio a phlatfformau codi pwysau
• Mwy o lawer o offer gwrthiant a cheblau “Signature”
• Dringwyr PowerMill gyda nifer o ddewisiadau ymarfer
• Ardal ymarfer gweithredol newydd sbon gyda thraciau sled 15m deuol
• Cyflwyno ffitrwydd grŵp ar lawr y gampfa gan ddefnyddio offer fel rhaffau trwm,
• bocsys plyometrig, TRX, peiriannau rhwyfo, SkiErg a beiciau aer
• Ardal ymestyn fawr gyda matiau pwrpasol

Beth yw dyddiadau’r prosiect?

Bydd ein Hystafell Campfa Hammerstrength bresennol ni ar gau ar ddydd Iau 8 Mai 2025. Bydd hyn yn rhoi cyfle i'n contractwyr ni dynnu nifer o beiriannau oddi yno, a fydd yn cael eu symud oddi ar y safle i'w hadnewyddu'n llawn. Bydd ein haelodau ni’n gallu defnyddio’r brif ystafell gampfa ar y dyddiad yma nes bod Campfa Hammerstrength yn ailagor ar 9fed Mai. Sylwch, bydd offer cyfyngedig ar gael hyd nes bydd y Gampfa Cryfder newydd yn agor ganol mis Mehefin.

Rydyn ni eisoes wedi dechrau ar y gwaith o addasu ardal flaenorol i’r ochr o Ganolfan
Hamdden y Barri. Rydyn ni wedi tyllu drwodd ar y llawr cyntaf rhwng y cyrtiau sboncen a’r
neuadd chwaraeon yn barod i osod mynedfa i’r cyfleusterau newydd.  

Mae’r offer newydd eisoes wedi cael ei archebu gan Life Fitness a Jordan Fitness.

Pa offer fydd ar gael yn yr ardal newydd yn y gampfa?

Amrywiaeth eang o offer iso-ochrol i dargedu’r frest, y cefn, yr ysgwyddau a’r coesau

• 2 x trac sledio LED 15m
• Offer aml-lwyfan gydag atodiadau sgwatio, pêl-darged a ffrwydryn tir
• Dringwyr PowerMill
• Ardal SkiErg, beiciau aer a rhwyfo
• Peiriannau gyrru’r glŵts a gwthio’r glun
• Dewis gwell o beiriannau cebl a gwrthiant ‘Signature’
• Dymbels 2.5kg - 65kg
• Platfformau codi Olympaidd, offer sgwatio hanner a llawn
• Dewis gwell o ddosbarthiadau ffitrwydd grŵp yn y rhaglen a fydd yn defnyddio
• rhaffau, slediau, offer aml-lwyfan, ymarfer TRX, SkiErg, peiriannau rhwyfo, cerdded
• fel ffermwr a mwy!

Pa gyfleusterau fydd yn cael eu heffeithio?

Mae’r offer Cryfder Morthwyl presennol yn cael ei anfon i ffwrdd i gael ei adnewyddu, a fydd
yn effeithio ar y gampfa Cryfder Morthwyl o ddechrau mis Mai nes ein bod yn ailagor. Bydd
yr ardal pwysau rhydd yn dal ar gael i gwsmeriaid fel arfer ond bydd y peiriannau plât
Cryfder Morthwyl yn cael eu tynnu, ac felly bydd yr offer yn gyfyngedig am gyfnod byr.

Rydyn ni’n disgwyl i’r tarfu yma bara am tua 4 wythnos. Yn ystod y cyfnod yma, byddwn yn
gwerthfawrogi eich amynedd a’ch dealltwriaeth cyn i ni agor y cyfleuster newydd yn ei holl
ogoniant!

Bydd ein prif gampfa ni ar y lefel uchaf yn aros ar agor ac ni fydd y gwaith adnewyddu yn
effeithio arni. Ond oherwydd bod ein hardal Cryfder Morthwyl yn cael ei hadnewyddu, efallai
y bydd ein cwsmeriaid ni’n ei gweld hi’n brysurach yn y brif gampfa yn ystod yr adegau
mwyaf poblogaidd.

Ni fydd unrhyw effaith ar unrhyw ardal arall o’r ganolfan, gan gynnwys y dosbarthiadau
ymarfer grŵp a’r gweithgareddau yn y pwll nofio.

A fydd effaith ar fy aelodaeth i yn ystod y cyfnod hwn?

Ni fydd effaith ar y brif gampfa a bydd pob aelodaeth ffitrwydd yn parhau fel arfer. Bydd y
dosbarthiadau ymarfer grŵp yn parhau a bydd yr ardal pwysau rhydd ar gael drwy’r cyfnod i
gyd.

Bydd pob aelod ffitrwydd yn parhau i allu defnyddio cyfleusterau eraill ar draws Bro
Morgannwg, gan gynnwys Canolfannau Hamdden Penarth, Llanilltud Fawr a’r Bont-faen.

Beth fydd yn digwydd i’r hen ardal Cryfder Morthwyl?

Wrth i nifer yr aelodau gynyddu, mae mwy a mwy o alw am ddosbarthiadau ymarfer grŵp;
felly, byddwn yn newid yr ystafell i fod yn stiwdio ffitrwydd effaith uchel. Y nod yw ailaddurno
ac uwchraddio’r ardal i roi’r profiad gorau posib i’n haelodau ni. 

Bydd newid pwrpas yr ardal hon yn golygu y bydd mwy o leoedd ar gael yn rhai o’n
dosbarthiadau mwyaf poblogaidd, gan leihau rhestrau aros, darparu lle mwy preifat a
galluogi ein hyfforddwyr i ddarparu dosbarthiadau o safon. Bydd ein dosbarthiadau yn y
neuadd chwaraeon yn symud i’r stiwdio newydd hefyd, a fydd yn golygu bod y cyrtiau’n
rhydd yn amlach ar gyfer pethau fel Pêl Picl, Badminton a Phêl Rwyd Cerdded, sydd i gyd
wedi’u cynnwys yn eich aelodaeth chi.

A fydd y gampfa newydd wedi’i chynnwys yn fy aelodaeth i, a sut byddaf i’n ei defnyddio pan fydd pethau wedi agor?

Bydd y ‘Gampfa Cryfder’ newydd ar gael i’n holl aelodau ffitrwydd ni sydd dros 16 oed, gan
gynnig cyfleusterau gwell a gwell cynnig o ran dosbarthiadau ymarfer grŵp. Bydd pobl nad
ydynt yn aelodau hefyd yn gallu defnyddio’r ardal ar sail talu a defnyddio. Bydd pris eich
aelodaeth chi yn aros yr un fath!

A fyddaf i’n gallu cael sesiwn gynefino ar yr offer newydd?

Wrth gwrs! Os hoffech chi gael sesiwn gynefino gan aelod o staff ar yr offer newydd, fe
allwch chi gysylltu â’r ganolfan yma i ofyn am hyn, neu drefnu sesiwn drwy’r ap. Neu, bydd
codau QR ar yr offer newydd. Fe allwch chi eu sganio i gael tiwtorial fideo cam wrth gam.

Sut gallaf i gael y wybodaeth ddiweddaraf?

Byddwn yn anfon e-byst at ein haelodau ac yn diweddaru ein sianeli cyfryngau
cymdeithasol. Bydd pob gohebiaeth i’w gweld yn y ganolfan hefyd er mwyn rhoi’r wybodaeth
ddiweddaraf i chi cyn ac yn ystod y gwaith. 

Os oes gennych chi ragor o gwestiynau, mae croeso i chi holi tîm y dderbynfa.